मिति २०८३ साल साउन १२ गते मध्यपश्चिम विश्वविद्यालय योजना विकास तथा अनुगमन परिषद्को बैठक विश्वविद्यालयका उपकुलपति सह-प्रा. ई. डा. राजन सुवालज्यूको अध्यक्षतामा वीरेन्द्रनगर, सुर्खेत स्थित केन्द्रीय कार्यालयको सभाहलमा सम्पन्न भएको छ ।
बैठकमा योजना विकास तथा अनुगमन निर्देशनालयको संयोजनमा विश्वविद्यालयको चालु आ. व. २०८३/०८४ को स्वीकृत बजेट सिलिङभित्र रही तयार पारिएको पूँजीगत तर्फको वार्षिक खरिद योजना सम्बन्धी प्रस्ताव उपर आवश्यक छलफल एवं निर्णय गरिएको हो ।
योजना विकास तथा अनुगमन निर्देशनालयका कार्यकारी निर्देशक एवं योजना परिषद्का सदस्य सचिव डा. विष्णुकुमार खड्काज्यूद्वारा प्रस्तुत प्रस्ताव माथि बैठकका अध्यक्ष उपकुलपति सह-प्रा. ई. डा. राजन सुवालज्यू, रजिष्ट्रार सह-प्रा. डा. अर्जुनबहादुर अयडीज्यू सहित सदस्यका रुपमा रहनुभएका डीनह्ररु, विज्ञ सदस्य प्रा. डा. चन्द्रप्रसाद रिजालज्यू लगायत आमन्त्रित कार्यकारी निर्देशक तथा कर्मचारीहरुले धारणा राख्नुभएको थियो ।
