मध्यपश्चिम विश्वविद्यालयको निर्माणाधीन केन्द्रीय पुस्तकालय भवन अनुगमन
मध्यपश्चिम विश्वविद्यालयको वीरेन्द्रनगर, सुर्खेत स्थित केन्द्रीय विभाग परिसरमा निर्माणाधीन केन्द्रीय पुस्तकालय भवन साउन ६ गते अनुगमन गरिएको छ ।
चालू आर्थिक वर्ष २०८३/०८४ को आरम्भ भएसँगै मध्यपश्चिम विश्वविद्यालय योजना विकास तथा अनुगमन निर्देशनालयको संयोजनमा उपकुलपति सह-प्रा. ई. डा. राजन सुवालज्यू र रजिष्ट्रार सह-प्रा. डा. अर्जुनबहादुर अयडीज्यू सहितको टोलीद्वारा विश्वविद्यालयको उक्त निर्माणाधीन भवनको बुधबार स्थलगत अनुगमन गरिएको हो ।
अनुगमनका क्रममा उपकुलपति सुवालज्यू र रजिष्ट्रार अयडीज्यूले निर्माण कार्यको हालसम्मको प्रगति, भवनको गुणस्तर तथा सुधार गर्नुपर्ने विषयमा निर्माण व्यवसायी सहित सरोकारवालाबाट जानकारी लिई गुणस्तरीय भवन हस्तान्तरण गर्न आवश्यक सुझाव दिनुभएको थियो ।
सो अवसरमा योजना विकास तथा अनुगमन निर्देशनालयका कार्यकारी निर्देशक डा. विष्णुकुमार खड्का,पाठ्यक्रम विकास निर्देशनालयका कार्यकारी निर्देशक डा. लक्ष्मीप्रसाद आचार्य , ग्र्याजुएट स्कुल अफ एजुकेसन केन्द्रीय विभागका प्रमुख चन्द्रप्रकाश आचार्य, इन्जिनियर गोविन्द खत्री सहित केन्द्रीय कार्यालयमा कार्यरत कर्मचारीहरु र निर्माण व्यवसायी लगायतको उपस्थिति रहेको थियो ।