मध्यपश्चिम विश्वविद्यालयको १८ औँ सभाको पूर्वतयारी बैठक सम्पन्न

मध्यपश्चिम विश्वविद्यालयको आसन्न १८ औँ सभाको पूर्वतयारी बैठक असार १ गते, सोमबार वीरेन्द्रनगर, सुर्खेतमा सम्पन्न भएको छ ।

आगामी असार ३ गते हुने सभालाई व्यवस्थित गर्न रिहर्सल स्वरुप उपलब्ध सिनेटरहरुको समुपस्थितिमा प्रस्तावित नीति, योजना, कार्यक्रम तथा बजेट सहितका एजेण्डाबारे छलफल गरिएको हो ।

विश्वविद्यालयका उपकुलपति प्रा. डा. नारायणप्रसाद पौडेलज्यूको अध्यक्षतामा सम्पन्न उक्त पूर्व तयारी सभाको सञ्चालन सभाका सदस्यसचिव रजिष्ट्रार सहप्रा. डा. अर्जुनबहादुर अयडीज्यूले गर्नुभएको थियो ।

बैठकमा विश्वविद्यालय सभा, दीक्षान्त समारोह तथा स्थापना दिवसलाई सफल तुल्याउन आवश्यक पूर्वतयारी, व्यवस्थापन, समन्वय तथा कार्यक्रम सञ्चालनका विविध विषयमा छलफल गरिएको थियो।